Тачи – Хоти: Нема да се дозволи дијалогот со Србија да се спушти на техничко ниво

Алсат
24.07.2020 11:50

Претседателот на Косово Хашим Тачи изјави дека земјата нема да дозволи преговорите за нормализација на односите со Србија да се спуштат на техничко ниво, додека „целиот процес треба да заврши со меѓусебно признавање и целосно почитување на територијалниот интегритет“ на двете држави, јави дописникот на МИА од Приштина.

Обраќајќи им се на новинарите по денешната средба со премиерот Авдулах Хоти, Тачи рече дека „за земјата и за општеството е многу битно соработката меѓу иснтитуциите да биде ефикасна“.

– Во тие рамки беше и денешната средба со премиерот Хоти. Од витално значење е да се случи оваа меѓуинституционална соработка. Го поздравив именувањето на Скендер Хисени (за национален координатор за дијалогот со Србија). Важно е тој дијалог да се случи, затоа што само со дијалог, средби и добрососедство Косово може да се движи напред кон европската перспектива, изјави Тачи.