Интерпелација против Џафери, АА се уште нема конкретен став кон иницијативата

Иако Алијанса за Албанците (АА) постојано ги искажува своите дилеми и забелешки за раководењето на Собранието од страна на спикерот Талат Џафери, се уште нема конкретен одговор дали ќе ја поддржат или не иницијативата на ВМРО-ДПМНЕ за интерпелација кон спикерот на Собранието. Пратеникот на оваа партија, Елми Азири, поканет во „Патот кон“ изјави дека пратеничката група на АА ќе разговара за ова прашање и потоа ќе донесе конкретна одлука, пишува Алсат.

Advertisements

„АА постојано беше во некаква форма, во притисок или тенденција да биде бојкотирана, да биде изземена од јавното мислење од страна на претседателот на Парламентот. Јавноста е информирана и визуелно ги следеше тековните дебати и судири на координаторката на нашата пратеничка група, г-ѓа Илире Даути со претседателот на Собранието, Талат Џафери, поради тенденцијата да се стави прст на правото на збор, да го ускрати правото да зборува и на пратениците на Алијанса за Албанците, поставувањето на пратениците на АА секогаш кон крајот, како што го имаме случајот со институцијата, пратенички прашања… Тоа е автократско раководење на Талат Џафери и со полна уста можеме да кажеме дека во овој мандат Талат Џафери е претседател на пратениците на ДУИ и во никој случај не е претседател на сите пратеници кои се во парламентот на Северна Македонија, поради партиските сегрегации направени од претседателот на парламентот Талат Џафери.. Ние сме опозициска партија и врз основа на овој наш став ќе разговараме во нашата пратеничка група и ќе донесеме одлука“, изјави Елми Азири, пратеник на АА./Alsat.mk