На клиниката Жан Митрев не престануваат скандалите. Новите докази од втората епизода на документарецот на ИРЛ покажуваат како самопрогласениот академик Жан Митрев успеал цела деценија да го манипулира фондот за здравствено осигурување.
Според истражувањето, неговата клиника наплаќала за услуги што ги покрива фондот за да ги зема парите од осигурувањата на граѓаните, но вршела и други приватни интервенции за истите пациенти, за кои самите пациенти биле принудени да плаќаат по втор пат.
Новинарката на ИРЛ Сашка Цветковска ги пренесува сведоштвата на членовите на семејствата на пациентите кои сега починале, а кои платиле околу 9 илјади евра за имуноглобулинска терапија, но потоа не ја запишале во отказот за да го оневозможат рефундирањето.
Од Фондот за здравствено осигурување велат дека клиниката Жан Минтрев намерно наплатувала услуги кои ги покрива државата за да ги подигне парите на Фондот, но им земале пари и на пациентите.
Соодветната институција е казнета, откако констатиравме прекршок, глоба во износ од 1,54 милиони денари и воедно целата сума на субјектот што ја фактурирал фондот, кој бил изманипулиран – ние го сторниравме, значи дека не е платено за овој вид на услуги. Додека пак, има и три други прекршоци кои се однесуваат за дополнителни плаќања од пациентите, а кои морале да се покријат од самата приватна установа, а не од пациентите“, рече Фатон Амети, директор на Фондот за здравство.
Од Фондот за здравство велат дека ниту еден од овие случаи не го пријавиле во обвинителството. Тие, го известиле Државниот санитарен здравствен инспекторат. Од таму добиле одговор дека предметите се процесуирани согласно законот. Од Обвинителството велат дека и овие индиции биле опфатени во истата предистражна постапка против Жан Митрев./Alsat.mk
Аднан Ќаили
