Новите варијанти на коронавирусот пристигнаа во Македонија
Новите варијанти на корона вирусот се регистрирани и кај нас. Според методот на секвенционирање на Институтот за јавно здравје, идентификувани се 35 случаи на варијанти Омикрон БА.4 и БА.5. Ако во овој период на летни горештини сте имале треска, дијареа, сува кашлица, најверојатно сте биле погодени од овие две подваријанти на Омикрон. Првиот човек на Институтот, Шабан Мехмети, рече дека двете варијанти се главно со благи симптоми, но апелира на внимателност во текот на летната сезона.
„Клиничките манифестации се главно благи, појавата на подваријанти на Омикрон е изразена на глобално ниво, каде во Европа најизразени се БА.4 и БА.5. Сега сме во бран на зголемени позитивни случаи, но сè уште не сме го достигнале врвот. Тој доаѓа од периодот на одмори, во период на заедничко дружење на луѓето“, рече Шабан Мехмети, директор на ИЈЗ.
Во текот на минатата недела, ИЈЗ забележа 4.389 позитивни случаи или 55% повеќе од претходната недела. Во последните 7 дена направени се над 10.000 ПЦР тестови. На болничко лекување низ државата се лекуваат 171 пациент, додека извештајот на ИЈЗ покажува 9 повеќе смртни случаи од минатата недела. Шабани рече дека се отворени три центри за вакцинација во Скопје и тоа во поликлиниките Јане Сандански, Букурешт и Чаир.
Според неделниот извештај на ИЈЗ, најкритични градови се Скопје, Куманово, Битола, Охрид и Прилеп.
„Им препорачуваме на сите граѓани кои не биле вакцинирани да продолжат со вакцинацијата. Сега ја имаме примената на четвртата доза или вториот бустер од вакцината против КОВИД. Исто така, граѓани продолжувајте да ги почитувате правилата на Конвид-19, носење маски во затворени простории, растојание, хигиена“, додава Мехмети.
Податоците на СЗО покажуваат дека бројот на случаи на корона вирус во светот забележува раст веќе 1 месец. Варијантата BA.5 ја избегнува имунолошката заштита обезбедена со вакцинација или претходна инфекција. Но, не е агресивен и лесно се поминува без фатални последици, освен во многу комплицирани случаи, кога пациентите имаат коморбидитети. Предвидена е и модификација на вакцините против КОВИД.
Аднан Ќаили
