Мигранти одново се упатуваат кон балканската рута преку Идомени
Алсат
22.07.2020 09:12
Мигрантите постојано се обидуваат да ја преминат грачката граница кон Северна Македонија во реонот на Идомени. Тие во ноќните часови во групи се обидуваат да се качат на возовите како слепи патници или да ја пробијат оградата долж границата, објави поратлот „Инфомигрантс“.
– Тие скокаат на возовите и покрај ризикот да ги удри струја при допир на високонапонските кабли, вели за порталот машивозач, кој неодамна открил група мигранти во неговиот воз.
Сепак, од оние што ќе успеат да ја минат границата, најчесто се пресретнувани од полициските патроли во земјава, кои потоа ги враќаат назад во Грција.
– Таков е случајот со пакистанскиот мигрант Муса, кој успеал да премине во Северна Македонија преку дупка во граничната ограда. Но, бил фатен. Тој вели дека прво бил „претепан од полицијата во Северна Македонија, а потоа и од Грците“ кога бил вратен преку границата, наведува „Инфомигрантс“.
