Започнува судењето за пожарот во модуларната болница во Тетово

Една година по пожарот во Модуларната болница во Тетово започнува судењето за случајот . Судењето е закажано откако предметот беше распределен кај судијата Јордан Велковски, објави Основен суд Тетово. На 8 септември, минатата година во болницата во која се лекуваа пациенти заразени со Ковид-19 животот го загубија 14 лица. Обвинети се три физички и едно правно лице.

Advertisements

Двајцата првообвинети се товарат дека сториле тешки дела против општата сигурност, а третиот е обвинет за непостапување според здравствените прописи за време на епидемија, додека обвинетото правно лице сторило две кривични дела предизвикување општа опасност и непостапување според здравствените прописи за време на епидемија.