Ѕвездите на Баерн Минхен креваат бунт против тренерот

Баерн Минхен го има еден од најлошите почетоци на нова сезона во поновата историја на клубот. Германскиот состав во последните четири натпревари во Бундеслигата не знае за победа, а „шлаг на тортата“ беше минималниот пораз од Аусбург.

Advertisements

По него во медиумите се појавија гласини за можна смена на тренерот Јулијан Нагелсман, но и покрај тоа што спортскиот директор Оливер Кан застана на страна на младиот тренер, играчите не можат да најдат заеднички јазик со него, пренесува доброупатниот медиум Спорт 1.

Германците издвојуваат четири незадоволни ѕвезди: Садио Мане, Џошуа Кимих, Леон Горетска и Рајан Гравенберг. Сенегалецот кој одлично ја започна сезоната потфрли во продолжението е тажен и незадоволен, додека герамнските репрезентативци пред Светското првенство во Катар бараат поголем простор во тактичкиот дел. Слична е ситуацијата и со Холанѓанецот кој одгра само 218 минути оваа сезона.