Мизрахи: ВМРО-ДПМНЕ ќе поднесе закон за измена на законот за здруженија

Опозициската ВМРО-ДПМНЕ најави дека преку законско решение ќе бара измена и надополнување на законот за здруженија и фондации. Како што кажа пратеничката од оваа партија, Рашела Мизрахи, на денешниот протест во Охрид, против отворање на клубот „Цар Борис Трети“, со предлогот би се спречило формирање на слични здруженија, но и ќе се ревидираат и постоечките.

Advertisements

„Уште денес, пратеничката група на ВМРО-ДПМНЕ, ќе поднесе закон за измена и надополна на законот за здруженија и фондации, со што не само ќе се спречи идно формирање на вакви квази-културни клубови, туку и ќе може да се реагира за веќепостојните кои власта на СДСМ дозволила да се регистрираат и е нивен соучесник“, рече Мизрахи.