Дали ќе се зголемат трошоците на здравствените услуги
Во планот на Владата за заштеда на средства и фискална консолидација, стои точка и за здравствените услуги. Иако ова помина меѓу редови, загриженоста на граѓаните е дали ќе се зголеми цената на здравственото осигурување.Од Министерството за здравство велат дека го добиле предлогот од извршната власт и го испитуваат.
„Министерството за здравство во соработка со Фондот за здравствено осигурување ги разгледува можностите за рационализација на трошоците преку редефинирање на годишните програми за здравствена заштита и нивно усогласување со реалните потреби. Истовремено се разгледува можноста за воведување и зголемување на партиципацијата во користењето на здравствените услуги, со исклучок само за социјалните категории“ , наведуваат од Министерството за здравство.
Од Фондот за здравствено осигурување велат дека прво ќе се анализира дали ќе биде неопходно ова зголемување на трошоците за учество за здравствени услуги.
„Цените на здравствените услуги можат да се зголемат само доколку трошоците на јавните здравствени установи не можат да ги покријат платите на персоналот, медицинските материјали, медицинската опрема, одржувањето и електричната енергија, во случај на надминување на референтната цена што ја одредил фондот. Сѐ уште го разгледуваме истиот предлог, верувам дека нема да има зголемување на партиципација. Доколку има зголемување, тоа ќе биде само за здравствените услуги, но не и партиципација кое може да влијае на нашите осигуреници“, рече Ирфан Лимани, Фонд за здравствено осигурување.
Надлежните велат дека во среднорочниот план ќе се разгледуваат и можностите за реорганизација на јавните здравствени установи.
Аднан Ќаили
