ВМРО: Функционери на СДСМ и ДУИ кријат имот од 30 милиони евра
ВМРО-ДПМНЕ ја обвинува власта дека 123 различни функционери на СДСМ и ДУИ кријат имот од 30 милиони евра. Пратеникот на македонската опозиција Бране Петрушевски рече дека се обезбедени сите документи и материјали кои докажуваат дека државни функционери, раководители на комисии, директори, раководители на институции кријат куќи, станови, викендици, деловни простории и друг имот.
Петрушевски вели дека на дел од функционерите имотите им се на нивно име, но тоа не го докажала Антикорупциската комисија. ВМРО ја повика оваа комисија да дејствува.
ВМРО-ДПМНЕ им даде рок од 24 часа на институциите да ги објават имињата на функционерите кои ги сокриле своите имоти, во спротивно од утре ќе почнат да ги објавуваат поединечно заедно со имотот што го кријат.
Мефаил Исмаили
