Путин сака истрага за нападот врз руски бродови пред продолжување на договорот за извоз на жито

Извозот на жито од три украински пристаништа, овозможен според договорот постигнат со посредство на Обединетите нации и Турција, ќе престане денеска откако Москва се повлече, соопштија украинските власти. Русија деновиве објави дека се повлекува од договорот, обвинувајќи ја Украина за злоупотреба на хуманитарниот бродски коридор формиран според договорот, по нападот врз руски бродови на Крим. Киев го отфрли ова како „лажен изговор“ за повлекување од договорот.

Advertisements

Договорот со посредство на Турција и ОН е од клучно значење за ублажување на глобалната криза со храна и обезбедување храна за луѓето во сиромашните земји во Азија и Африка. Турција ги засили дипломатските напори за негово спасување.