Георгиевска: Новиот закон за заштита на потрошувачите овозможува ДПИ да реагира при евентуална малверзација со цените

Новиот закон за заштита на потрошувачите овозможува Државниот пазарен инспекторат (ДПИ) да интервенира ако се забележи манипулација со одредени цени, вели во своето вечерашно гостување во емисијата „Економски Магазин“ на Алсат, пратеничката од СДСМ, Марија Георгиевска.

Advertisements

„Во овој закон за заштита на потрошувачите точно пишува за манипулацијата на трговците и формирањето на цените коишто ги има во продажбата. Така, ДПИ, согласно ова што е регулирано во овој закон навистина ќе може да интервенира заради тоа што точно се кажува – нечесни, агресивни и манипулативни, за трговците коишто вештачки наметнува кон потрошувачот приказ дека нешто многу скапо набавил па треба така да го продаде“, рече Георгиевска.