Алијанса: Студени училници во Желино
Алијанса за Албанците го обвини директорот на ОУ „Луиѓ Гуракуќи“ во Желино дека од пред еден месец нема греење во ова училиште. Алијанса апелираше до надлежните органи итно да им обезбедат греење на децата од училиштето во овие студени денови.
„Од почетокот на грејната сезона учениците продолжуваат да учат во ладни училници. Последните денови ситуацијата станува уште посериозна поради скратувањето на денот, каде што како резултат на тоа првите часови од утринската смена и последните часови од попладневната смена стануваат тешки. Она што се случува ги става во ризик најранливите возрасни групи и треба да претставува итен аларм до сите“, рече Денис Алити, разгранок на АА, Желино.
Реагираше и директорот на училиштето, Џафери. Вели дека училиштето има гориво, но поради топлото време не го вклучиле парното.
„Централното училиште се снабдува со нафта додека двете територијални училишта се снабдени со пелети. Во моментов имаме инструкции од Министерството да заштедиме енергија, а кога ќе видиме дека има потреба тогаш ќе ги вклучиме греалките. Можеби е малку студено наутро, но можете да видите колку е часот и нема потреба да се вклучат“, рече Лиман Џафери – директор на О. У.„Луиѓ Гуракуќи“.
Инаку, во Полог повеќето училишта продолжуваат да не го вклучуваат парното со образложение дека штедат поради високата цена на струјата и горивата.
Башким Сулејмани
