Позната компанијата што ќе ја надгледува работата на Коридорите 8 и 10-д
Директорот на Н.П. Државни патишта, Ејуп Рустеми, поканет во вечерашната емисија „Економски Магазин“, ексклузивно за Алсат изјави дека италијанската фирма IRD Engineering ќе ја надгледува работата на компанијата Бехтел-Енка, која ќе ги гради Коридорот 8 и 10 Д.
„Изборот на консултант и надзор за Коридорот 8 и Коридорот 10Д кој произлегува од посебниот закон што беше одобрен во Собранието на Република Молдавија за ангажман на американско-турската компанија за изградба на Коридорот 8 и Коридорот 10Д. Имавме многу транспарентен процес, на 25 се отворија сите понуди во кои имавме три моќни групи. Ја имавме евалуациската комисија која направи исклучително голема работа во која на многу транспарентен начин ги испита сите понуди и врз основа на Законот за јавни набавки, секоја тендерска постапка, доколку надмине вредност од над 30 милиони денари, мора да оди до административната контрола. По евалуацијата на овој процес беше извршена и административна контрола и имаме чест во вашата емисија да соопштиме дека денеска ни е вратено решението од Бирото за јавни набавки и денеска го објавуваме решението за победник на надзорот и консултантска компанија за Коридорот 8 и Коридорот 10Д, тоа е италијанската компанија ИРД Инженеринг“, изјави Ејуп Рустеми, директор на Ј.П. Државни патишта.
