Многу луѓе празниците ќе ги поминат во болниците
Не секој новогодишните празници ќе ги помине со семејството или во своите домови. На Детската клиника десетици деца ќе слават заедно со персоналот. Денеска ги изненади Дедо Мраз и фигури од цртаните филмови.
Додека Дедо Мраз им делеше пакетчиња, Пинокио, Петар Пан, Спајдермен и многу други ги забавуваа децата.
„Среќен сум што на овој ден дојдоа Пинокио, Дедо Мраз и сите други. Би сакал сите деца што се тука да се опорават и да си одат дома да ги прослават празниците и Новата година“…
„Сакам сите деца во болницата да оздрават за да можат да бидат дома за празниците и 2023 година да им биде најсреќната година“, велат децата.
Меѓу децата беше и Румејса, која е хоспитализирана веќе 4 месеци. Освен Новата Година, тука го прославила и роденденот.
„Сакам за мојот роденден Дедо Мраз да му донесе кукли и пакетчиња“, вели Румејса.
Дел од децата биле пуштени на домашно лекување, но на другите мора да им се укажува болничка нега.
За најмалите имаше и многу подароци.
Ајнур Бафќари
