Голем број закони останаа заглавени во Собранието
Пратениците за во 2023 година го чекаат низа закони кои не биле одобрени во текот на претходната година, главно поради немање кворум. Додека минатата година многу седници беа отворени и затворени за неколку минути, најавите се дека годинава ќе има поголема посветеност за да не се повтори ситуацијата од минатото. И додека Собранието најавува зголемена ефикасност, од ВМРО ДПМНЕ велат дека нема да се откажат од активната блокада.
Според истражувачката во Институтот за демократија, ВлораРечица, Собранието веќе подолго време се соочува со проблеми поради неконструктивни политички фактори, кои често ја блокираа работата на Собранието.
„Ова покажува дека нема консензус за многу прашања. Бидејќи се наоѓаме во глобална економска и енергетска криза, многу е важно да имаме функционален парламент кој не само што донесува закони, туку е и функционален да ја надгледува извршната власт, како се трошат парите и како се носат одлуките во криза“, рече Влора Речица, Институт за демократија.
Според извештајот на Институтот за демократија, Собранието во изминатата година покажало низок квалитет на дебата и се соочувало со блокади. Македонските опозициски пратеници биле поактивни. На листата на 10 најактивни пратеници, односно според мониторингот од јануари до јуни, нема пратеник Албанец, а во 51 отсто од дискусиите пратениците не биле во можност да се аргументираат.
Според овој Институт, овие податоци ја одразуваат потребата од зголемување на квалитетот на дебата и степенот на аргументација во собранието. Поради оваа причина, перцепцијата на граѓаните за работата на собранието е на многу ниско ниво, а мнозинството граѓани воопшто не се запознаени со она што било сработено во собранието во текот на годината што помина. Меѓу главните предизвици на Собранието за годинава ќе биде враќањето на довербата на граѓаните – според извештајот на американската ИРИ во законодавниот дом веруваат само 4 отсто од граѓаните.
Ардит Рамадани
