ИЈЗ им порачува на граѓаните во Берово, Гостивар и Тетово: Останете дома, воздухот е екстремно лош
Во извештајот на Институтот за јавно здравје мерните станици во Берово, Гостивар и Тетово покажуваат дека таму воздухот е екстремно лош заради зголемени концентрации на PM2.5 честички.
Од ИЈЗ предупредуваат дека поради моменталната ситуација со загадениот воздух некои поединци може да доживеат здравствени ефекти, а оние од чувствителните групи, посериозни здравствени ефекти.
Како најчувствителни и под најголем ризик се деца помлади од 5 години, постари граѓани (над 65 годишна возраст особено), бремените жени, лица со хронични заболувања (циркулаторни/кардиоваскуларни заболувања), пациенти со астма и ХОББ, дијабетичари, луѓе кои работат на отворено, социјално загрозени катеории граѓани и пушачи чиј ризик од сериозно срцево оптоварување се зголемува меѓу 3 и 4 пати. Оние со веќе постоечки респираторни проблеми се изложени на особен ризик.
