Поднесено обвинение против Жан Митрев за измама
На кардиохирургот Жан Митрев ќе му се суди дека измамил повеќе од 250 пациенти преку употреба на методот хемофилтрација за лекување на Ковид-19. Митрев е осомничен дека ги лажел пациентите дека тоа е одобрена и ефикасна медицинска метода, која болницата ја користела без дозвола од државната Агенција за лекови и медицински средства МАЛМЕД.
Тој пред судот ќе треба да докаже дека не ги измамил пациентите, во спротивно ќе биде казнет со затвор од 1 до 10 години. И покрај реакциите во јавноста на семејствата на жртвите, во обвинението не е наведено дека пациентите починале од хемофилтрација, ниту пак ќе се гони за невнимание при лекувањето, туку само затоа што пациентите и нивните семејства не биле целосно информирани за овој метод и така биле измамени.
Од голем број пациенти лекувани во приватната клиника „Жан Митрев“, 283 пациенти позитивно се одзвале на поканата на обвинителството и се изјасниле дека се чувствуваат измамени. Откако Митрев ќе се соочи и со обвинение против неговата приватна болница, на секој од овие пациенти, ако биде прогласен за виновен, ќе треба да им го исплати секој денар потрошен за хемофилтрација или вкупно 1,5 милиони евра.
„Јавниот обвинител во текот на првично формираната постапка по допрен глас обезбеди докази за поткрепување на сомненијата дека обвинетиот во периодот од јуни 2020 до јуни 2022 година, со цел да оствари значителна противправна имотна корист за правното лице – приватна здравствена установа, со прикривање на фактите, ги измамил пациентите лекувани во болницата од Ковид-19, на кои им била извршена хемофилтрација и членовите на нивните семејства, при што секој од нив го оштетил имотот во различни количини, во вкупен износ од 97.461.600 денари“, наведоа од ОЈО.
Жан Митрев обвинението го оквалификува како потсмевање.
„Се гледаме на суд е нашиот одговор на денешната одлука на Основното јавно обвинителство да се гони д-р Жан Митрев за измама. Оваа лакрдија од неосновани напади на суд ќе мора да се докаже, а ќе биде тешко да се докаже бидејќи вистината е дека ниту еден пациент не бил измамен и сите третмани и процеси во болницата биле јавни и транспарентни и во интерес на пациентите. Со тоа на суд ќе падне и самото обвинение на ОЈО“, велат од „Жан Митрев“.
Инаку, овој скандал беше обелоденет во јули минатата година преку новинарска истрага на ИРЛ каде беше откриено дека оваа приватна болница добивала по десетици илјади евра од секој пациент за хемофилтрација.
Ардит Рамадани
