Германија станува економски непријател на Балканот, оценува бизнисменот Рафајловски
Иако Германија има свој економски придонес на Балканот, со последната објава дека планира да земе околу 50.000 неквалификувани работници, таа станува економски непријател на тој регион, оценува бизнисменот Горан Рафајловски. Говорејќи на таа тема, во своето вечерашно гостување во емисијата „Економски Магазин“ на Алсат, Рафајловски вели:
„Германија во овој момент е најголем непријател на цел Балкан. Од една страна дава средства, помага и тн., но е сериозен непријател со објавата дека ќе земе неквалификувана работна сила од 50 илјади луѓе од Балканот. И уште 50 илјади поинакви да отидат или да изгубиме 5 години по 150 илјади луѓе, само во Германија, ќе одат и на друго место…ако изгубиме околу 1,5 милиони од работоспособниот дел на Балканот, ние повеќе ќе немаме економија“, рече Рафајловски.
