Ревизијата откри како се расфрлале пари од скопски „Водовод“
Извештајот на Државниот завод за ревизија на површина извади скандали со кражби и злоупотреби во А.Д „Водостопанство“ во периодот 2018-2022. Според нив, потрошени се поголеми количини над потребните за наводнување на планираните површини, што резултирало со загуба од 3,6 милиони евра. Исто така, ревизијата констатирала дека „Водовод“ не извршил уплата во државниот буџет по основ надоместок за користење вода, во вкупен износ од 30,15 милиони денари или над 490 илјади евра, за што иако бил казнет со 35 илјади евра од Министерството за екологија, долгот сè уште не е вратен.
„Водовод има неплатени обврски кон државата кои достигнуваат вкупен износ од 56,6 милиони денари. Воедно, вршителите на дејноста водостопанство остваруваат континуирани загуби од своето работење. За последните три години, износот е над 1,3 милијарди денари или над 20 милиони евра“, се наведува во Извештајот на ДЗР за „Водовод“.
Времето за кога се констатирани овие неправилности е кога Водостопанство го водеше директорот Илми Селами од март 2018 до октомври 2020 година и од октомври 2020 до јануари 2022 година кога директоруваше Васко Стефанов.
„Исто така, во текот на 2018 година кога раководеше директорот Илми Селами, ревизијата констатирала прекршоци со јавната набавка каде биле земени под закуп 14 возила за период од 5 години. „Водовод“ нема да стане сопственик на тие теренски возила, иако закупот до декември 2023 година изнесува 368 илјади евра или 30% повеќе од редовната продажна цена на тие видови возила“, се додава во Извештајот.
Од ревизија велат дека овој предмет го доставиле до Јавното обвинителство.
Со извршената ревизија помеѓу 2019-2021 година, констатирани се исти злоупотреби како и порано и по овој период, односно дека 2/3 од земјоделската површина се наводнувала надвор од системите или немало фактури, што влијаело на помал приход на „Водовод“ и државниот буџет. Врз основа на податоците, склучени се договори за заеми добиени од странски банки во износ од 193 милиони евра за реализација на проекти за наводнување. Поради доцнење во реализацијата, на финансиски институции им биле платени казни од 272.000 евра.
Аднан Ќаили
