Сè уште ни трага од потпалувачот на канцелариите во ЈП „Паркови и зеленило“
Сторителот кој запали два објекта на Јавното претпријатие „Паркови и зеленило“ сè уште е во бегство. Последниот став на МВР е дека случајот се истражува и јавноста ќе биде информирана штом има нешто ново.
Директорот на претпријатието, Зухејр Реџепи, се сомнева дека одредени лица го поучиле осомничениот, бидејќи врз основа на видеото од безбедносните камери, сторителот точно знаел кои објекти треба да ги запали.
Дилемите на Реџепи се дека ревизорскиот извештај натерал некој да ги запали бараките заедно со доказите за можна проневера на 20.000 евра. Истрагата можеби ќе одземе повеќе време.
„Да, може. Сè додека немам докази, не можам да потврдам или демантирам такво нешто. Во овој случај, со овој последен инцидент, да се надеваме дека ќе има правична, непристрасна, чесна истрага и на крајот можеби ќе дојдеме до некоја вистина која може да биде погорчлива отколку што мислиме“, рече Зухејр Реџепи – директор на ЈП „Паркови и зеленило“.
За пожарот во ова претпријатие полицијата била известена 30 минути по полноќ. Алсат обезбеди снимка на која се гледа како едно лице намерно пали два објекта, магацинот и архивата на претпријатието. На снимката од безбедносните камери се гледа како лицето чиј идентитет сè уште не е познат, прво го запалил магацинот, а потоа архивата.
Еви Шкопи
