Специјалниот пратеник на ЕУ за дијалог меѓу Белград и Приштина Мирослав Лајчак синоќа изјави дека германско-францускиот план во суштина е план за нормализација на односите меѓу Србија и Косово и дека содржи 11 поени. Тој за приштинската телевизија Клан Косова изјави дека тие точки прво им биле презентирани на двете страни во септември, додека документот од декември вклучувал приговори од двете страни на првиот нацрт на планот. Запрашан колку се разликува последниот нацрт на планот во однос на првиот, Лајчак рече дека текстовите презентирани во медиумите не се точни и дека, како што рече, се „измислени од одредени луѓе“.
Advertisements
