Молк од Министерството за финансии – како фирма која била оценета за неетичка доби тендер од 22 милиони евра
Сомнежите за кредибилитетот на компаниите кои ќе ги надгледуваат работите во Коридорот 8 и 10-д, се чини се уште не стигнале до премиерот Димитар Ковачевски и министерот за финансии, Фатмир Бесими.
Министерството за финансии продолжува да се брани со молчење, не давајќи никакво оправдување како шпанската компанија ЕПТИСА, од компанија која според Владата во ноември 2020 година била неетичка и незаконска, во февруари 2021 година да се трансформира во етичка и правна компанија и државните институции и општини да можат да и доделуваат проекти од над 1 милион евра. Владата молчи.
Алсат ја објави реакцијата на компанијата ЕПТИСА за одлуката на Владата со која се забранува да учествува во проекти вредни над 1 милион евра. ЕПТИСА во својот одговор потенцира дека утврдувањето дали некој субјект работел спротивно на законот не го дава Владата туку надлежните органи.
ЕПТИСА:
„Не гледаме никаква основа во сознанијата дека ЕПТИСА работела на „неетички, незаконски и неодговорен начин како надзор“ без да се направи анализа или да се состави извештај за работата на ЕПТИСА. Само со судска одлука или одлука на релевантен орган може да се утврди дека фирма или ЕПТИСА работела на таков начин. Без судска одлука, Владата нема ниту можност ниту фактичка основа да одобри ваков наод“.
Конкурсот за избор на супервизорски компании на конзорциумот што ќе ги гради Коридорот 8 и 10-д „Бехтел&Енка“ Владата двапати го менуваше. Интервенции беа направени во роковите за поднесување. Во првата интервенција Владата го продолжи рокот за поднесување, додека во втората им ги олесни условите на конкурентските компании со отстранување на условот „само фирми со позитивно финансиско салдо“. Според ВМРО ДПМНЕ, ова е основа Јавното обвинителство да покрене истрага за местење тендери.
Тендерот за надзор на работите во Коридорот 8 и 10 го доби групацијата компании предводена од „ИРД Инженеринг“ во соработка со „Електра Консалтинг“, „ЕПТИСА“ и „Евро Консалтинг“. Евро Консалтинг е компанија основана од Бранислав Димитријевиќ обвинет за измама во Ерменија и уапсен во Хрватска на 21 април 2021 година. Обвинувањата на ерменските власти се однесуваат на работите во коридорот Север-Југ каде Димитријевиќ беил „лидер на тимот „ на конзорциумот „Савеж-ЕПТИСА“. Неговата компанија „Евро Консалтин“ во режија на неговиот син Зоран Димитријевиќ во Македонија има надгледувано работи на неколку инфраструктурни проекти и капитални инвестиции, вклучително и градби во рамките на проектот Скопје 2014 година.
Адриан Керими
