Конкурсот за филмови да се повтори, пари се делеле и на вработени во Агенцијата
Транспаренси Интернешнл – Македонија констатирала конфликт на интереси во работата на Агенцијата за филм при распределбата на средствата на конкурсот за кратки и долгометражни филмови за 2022 година. Според Слаѓана Тасева од Транспаренси, доделената сума е над 4 милиони и 200 илјади евра, но од анализите е забележано дека имало незаконски дејствија, каде вработени во Агенцијата се пријавиле за да добијат средства.
Според Тасева, се поставува прашањето како ќе се спроведуваа постапките за доделување средства доколку немаше интерес да се проверат процедурите за повици на Агенцијата за филм.
Тасева вели дека од сите направени анализи во Агенцијата за филм евидентен е судирот на интереси и се создава слика и дека некои филмски работници се ставаат на привилегирани позиции. Оттаму препорачуваат Владата преку Министерството за култура да побара од Агенцијата за филм да обезбеди непристрасност и објективност и да го повтори конкурсот.
Мефаил Исмаили
