Косовскиот премиер Албин Курти во „360 Степени“ што вечерва се емитува на Алсат вели дека капитулација на Србија нема да се случи во Охрид, бидејќи според него такво нешто веќе се случило во Куманово, во јуни 1999 година. Но, Курти рече дека во Охрид оди со волја и желба за нормализирање на односите со Србија.
„Не мислам дека ситуацијата е иста во смисла дека зборот капитулација е поврзан со армиите, тој е поврзан со крајот на војната, ние не сме во војна, војната заврши пред речиси 24 години. Беше 9 јуни 1999 година, кога во Куманово ја имавме капитулацијата на Југославија на Милошевиќ и нејзините генерали кои го потпишаа Кумановскиот договор за повлекување на сите српски сили. Тој свет до 20 јуни 1999 година и на овој начин заврши војната и се ослободи Косово. Сега, се разбира и Куманово и Охрид се во Северна Македонија, тие се во Северозападна Македонија и Југозападна Македонија, но ова само покажува дека Северна Македонија го има забележливото внимание на Западот. Јас сум заинтересиран за договор, одам со добра волја со добра намера и со добра волја да ги нормализираме односите со Србија. Инаку, не може да има капитулација на Србија во Охрид бидејќи ова веќе се случи во Куманово на 9 јуни 1999 година“, изјави Курти.
