Курти: Албанците од долината се дискриминирани и угнетувани
Албанците од Лугина со право бараат да бидат вклучени во Европската унија, како што вели во „360 Степени“ на Алсат, премиерот на Косово, Албин Курти. Според него, не може да има избран народ на Балканот и луѓе чие достоинство и права вредат помалку од оние на другите луѓе, додавајќи дека реципроцитетот, симетријата и рамнотежата се многу важен дел од нормализацијата на односите меѓу Косово и Србија.
„Добро знаете дека во Прешево, Медвеѓа и Бујановац Албанците не можат да го користат ниту албанското национално знаме, јавно, ниту државното знаме на Косово. Тие се дискриминирани, недоволно застапени, угнетувани и експлоатирани. Кога гледаме дека привилегиите на Ахтисари се чинат недоволни во Белград и тоа наидува на своевидно разбирање дури и кај некои западни политичари и дипломати, се разбира нивната огорченост расте. Тие се во право и верувам дека не може да има избран народ на Балканот и не може да има луѓе чие достоинство и права можат да вредат повеќе од туѓите, така што за мене е сосема разбирливо и нивното разумно барање да биде слушнато, разгледано. Реципроцитетот, симетријата, рамнотежата се многу важен дел од нормализацијата на односите меѓу нашите две држави“, рече Курти.
