„Адитиви„ Димитровска се уште нема поднесено оставка
Татјана Димитровска се уште нема поднесено оставка и нема официјална процедура за нејзино разрешување. Комисијата за избори и именувања во Собранието очекува официјално писмо од Комисијата за спречување на корупцијата, за да ги извести за еден од основите по кои на Димитровска евентуално ќе и се прекинае функцијата. Од Антикорупциска не одговорија на прашањето дали ќе испратат писмо до Собранието за ново настаната ситуација. Велат дека продолжуваат редовно да работат врз основа на надлежностите.
„Државната комисија за спречување на корупцијата, во рамките на своите надлежности, продолжува редовно да функционира согласно Законот за спречување на корупцијата и судирот на интереси. Како институција, остануваме транспарентни и отворени за јавноста и за соработка со надлежните органи“, рече Комисија за спречување на корупција.
.
Согласно Законот за спречување на корупцијата, на претседателот, односно членот на Државнатакомисија му престанува функцијата пред истекот на мандатот, во случај ако поднесе оставка, трајно ја изгуби способноста за вршење на функцијата, е осуден со правосилна судска пресуда за кривично дело на безусловна казна затвор од најмалку шестмесеца или настапи негова смрт.
Собранието ги разрешува претседателот и членовите дури и ако тоа значително ги крши правилата на судирот на интереси, односно неактивност во ситуација кога претседателот или членот знаел дека постои некоја од основите на судирот на интереси, или ако не ги почитува роковите за преземање на одредени дејствија. Антикорупционерите го известуваат Собранието во рок од пет дена за постоењето на некој од тие услови. А Собранието може да постапува и без допис од антикорупциска.
Законот за спречување на корупцијата
• ако значително ги прекршува правилата на судирот на интереси, односно неактивност во случаи кога знаел дека постои основа за судир на интереси,
• ако не ги почитува роковите за преземање одредени дејства.
Истрагата на обвинителството за претседателот на антикорупциска, исто така, предизвика политички реакции. Од ВМРО-ДПМНЕ велат дека ако има докази, таквото однесување е недозволиво.
Лидерот на СДСМ Венко Филипче бара случајот да се реши. Дотогаш, тој не сака да коментира.
Левица обвинува за партиска селективност во Антикорупциска и бара оставка на целиот состав.
„Жената која требаше да биде носител на борбата против корупцијата стана негов соучесник. Сепак, ова не е индивидуална „отстапка“, туку последица на селекција преку отворена политичко-партиска зделка. Значи, Димитровска беше едногласно избрана со максимум поени/бодови од пратениците на ДПМНЕ, СДС и ДУИ… Левица бара: Сите вработени во ДКСК веднаш да поднесат оставка и сите случаи што ги води оваа Комисија да бидат целосно разгледани“, велат од „Левица“.
На Димитриевска и е забрането да оди на работа и да има пристап до материјалите за работа./Алсат.мк
Фатлуме Дервиши
