Агелер: Не ми е познато конкретно руско влијание, но сигурна сум дека постои

Американската амбасадорка Ангела Агелер, на прашањето за евентуалното руско влијание врз изборниот процес во земјата, рече дека не е запознаена со некој конкретен случај, но според неа, руското влијание не постои само кај нас, туку генерално е присутно во регион. Овој коментар Агелер го даде на потпишувањето на меморандумот со Министерството за образование за имплементација на програмата „Фулбрајт“ за академска размена.

Advertisements

„Не сум свесна за некое експлицитно и специфично влијание, како што кажавте. Јас сум уверена дека тоа е тука, бидејќи генерално го има во регионот, но мислам дека она што е најважно како што се движиме во кон овој изборен период е граѓаните на оваа земја да поставуваат прашања за кандидатите и да ги земат предвид нивните приоритети, кога ќе гласаат. Тоа за мене е најважно и секако да се едуцираат себе си за процесот и за кандидатите, без разлика кој би можел да се меша, тоа е најважната алатка која ја имаат“  рече Агелер.