Ахмети: Референдумот кој би го попречил напредокот кон ЕУ, би значел уназадување на државата

Претседателот на ДУИ, Али Ахмети, вели дека референдумот кој би го попречил напредокот кон ЕУ, би значел уназадување на државата. Ниту ДУИ нити СДСМ се уште не одлучиле каков став ќе заземат за референдумот, доколку тој биде организиран. Но, според мнозинството, референдумот не е во интерес на граѓаните.

„Тоа прашање за мене е неважно, ќе излеземе или не. Ние имаме црвени линии; да се почитуваат постигнатите договори, договорите кои и обезбедија членство на нашата земја во НАТО, договорите кои и обезбедија на земјата отворање на преговорите за членство во Европската унија и нема враќање назад. Во принцип, одржувањето референдум против договор, за запирање на напредокот на земјата кон ЕУ е непродуктивно. Тоа е еднакво на регрес“, изјави Али Ахмети, претседател на ДУИ.