Ајдини: Хибридниот режим на СДСМ и ДУИ му го продолжи животот на Мијалков
Омер Ајдини од Алијанса за Албанците во емисијата „Патот кон“ на Алсат рече дека ако режимот ДУИ-ВМРО некогаш го создал Сашо Мијалков, хибридниот режим од СДСМ и ДУИ му го продолжил неговиот живот.
„Мораме да разбереме една работа. Ако режимот ДУИ-ВМРО некогаш го создаде Сашо Мијалков, хибридниот режим нагласен од Фридом хаус, кој го држат СДСМ и ДУИ му го продолжи животот“, рече Ајдини.
Тој исто така рече дека случајот на Мијалков не е единствениот, туку дека ова е кулминација, притоа потенцирајќи дека тој е составен дел на правосудниот систем и на Владата во државата.
„Случајот со Сашо Мијалков не е единствен и изолиран случај, имаме такви случаи, но случајот на Мијалков е кулминација и мораме да разбереме дека тој не е сам во оваа приказна, тој е составен дел од правосудниот систем и на Влада“, рече Ајдини.
