Aкумулира 12 казнени поени, Магнусен нема да вози за Хаас на следната трка

Кевин Магнусен нема да вози за Хаас на следната трка во Формула 1, откако акумулира 12 казнени поени на својата ФИА лиценца во последните 12 месеци.

Advertisements

По денешната трка во Монца во која Данецот имаше судир со Пјер Гасли, заработи казна. Покрај тоа, си доби и казнени поени на лиценцата. Јасно беше дека следната санкција ќе значи и пробивање на максималната двоцифрена граница и за тоа Магнусен е суспендиран на една трка

Возачите не смеат да акумулираат 12 или повеќе поени на ФИА Супер лиценците во 365 дена, во спротивни им следи суспензија.  Магнусен влезе во историјата, бидејќи е првиот возач кој успеал да ја пробие оваа граница и да добие суспензија. Засега непознато е кој ќе го замени на трката во Баку која се вози за две седмици.