Албанци и Македонци сакале да шверцуваат марихуана во Грција

Четворица државјани на Албанија и двајца на С. Македонија се уапсени во акција за прекин на меѓународен канал за шверц на дрога од Албанија кон Грција. Групата била фатена во близина на граничниот премин Богородица. Зад решетки завршија Леонардо М. (44), Астрит М. (36), Томи Х. (38) и Артим К. (37), сите од Албанија. Двајцата македонски државјани се од Струмица – Владо Д. (41) и Емил Б. (29). Полицијата соопшти дека биле запленети 67,5 килограми марихуана, чија вредност на пазарот достигнува до 200 илјади евра.

Прво, полицијата уапсила двајца од албанските државјани во обид илегално да ја преминат границата. По информативниот разговор, откриени биле уште четворица други, додека еден од албанските државјани бил фатен во околината на Кичево.

Полицијата го истражува каналот преку кој дрогата влегла од Албанија во С. Македонија. Извори од истрагата велат дека улогата на двајцата македонски државјани била да обезбедат превоз и достава до Грција, но сè уште не се знае дали во структурата на групата осомничени шверцери имало и лица од Грција.

Не се знае ниту дали двајцата македонски државјани имале криминално досие за слични дела. МВР поднесе кривични пријави за „производство и продажба на наркотици“.

Aдриан Керими