Алијансата за Албанците го „заборави“ законот за амнестија!
Алијансата за Албанците не ги собра партиските органи за да разговара за предлог-законот за амнестија. На крајот на ноември беше најавено разгледување на постапката на коалиционите партнери, но партијата на Арбен Таравари не одржа таква средба, или на друг начин ја разгледала таквата точка. Самиот Таравари пред еден месец ја опиша постапката на мнозинството како понижување против неговата партија предупредувајќи и на можноста Алијансата да заврши во опозиција, да не остане понижена како дел од власта.
„Особено по законот за амнестија кога имаше предавство, дека еден закон кој беше владин предлог не е изгласан од пратениците на СДСМ, и имаме сомнежи, а ова не сме го зборувале поради уставни измени. Чекаме до крајот на ноември, дали има веројатност да се случат уставни измени. Иако веројатноста сега е многу мала, кон крајот на ноември, почетокот на декември мораме да ја донесеме конечната одлука“, велеше Таравари.
Министерот за правда, Кренар Љога, во својство на предлагач на законот на денот кога Собранието не го поддржа неговиот предлог, рече дека на првиот состанок на Владата ќе бара одговорност за ова постапување на мнозинството, но до денеска не е наведено дека барал одговорност и што е следно. Тој дури најави и нов предлог со редовна процедура, но судбината на тој предлог не се знае ниту денес.
Побаравме став од Алијансата за Албанците и од Министерството за правда, но досега не добивме никаков одговор. Лога новиот предлог не го почна ниту за административното упатство, за утврдување на етничката припадност во изводите од матичната книга на родените, и не доби можност да докаже дали уставните измени ќе ги поддржат без укинување на 20% или не.
Адриан Керими
