АМСМ: Кај Буково се бележат врнежи од снег, кои во моментов не го попречуваат одвивањето на сообраќајот
АМСМ: Кај Буково се бележат врнежи од снег, кои во моментов не го попречуваат одвивањето на сообраќајот
Сообраќајот на државните патишта се одвива непречено, по суви коловози. Врнежи од снег со слаб интензитет се бележат на планинскиот превој Буково, но во моментов не преставуваат пречка за одвивање на сообраќајот, информираат од Авто-Мото сојузот на Македонија (АМСМ).
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од АМСМ потсетуваат дека од 15 ноември 2022 година започнува законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2023 година.
