Аналитичарот Арсовски очекува пораст на евроскептицизмот

Политичкиот аналитичар Петар Арсовски очекува пораст на евроскептицизмот кај населението на земјите од регионот кои се аспиранти за членство во ЕУ. Како што вели тој во своето вечерашно гостување во емисијата „200“ на Алсат, таквата тенденција ќе продолжи сѐ додека ЕУ не испрати јасен сигнал кога може да се очекува поддршка за рамноправно членство.

Advertisements

„Евроскептицизмот ќе се зголемува, односно ќе се намалува поддршката за ЕУ сѐ додека Европа не излезе со еден јасен наратив кога овој регион ќе може да очекува поддршка од нив за полноправно членство. Доколку тоа полноправно членство треба да се редефинира во некаков пакет и за тоа е потребна согласност од земјите кандидати“, вели Арсовски.