Андоновски: Ребрендирањето на ДУИ зрак на надеж за поактивно учество на Албанците во ЛГБТ активизмот
Ребрендирањето на ДУИ во зелена партија за првиот човек на ЛГБТ заедницата во Македонија, Кочо Андоновски е знак на надеж дека кај албанските политички партии би можело да се случи промена и да се воспостави лидерството во правец на поактивно учество на Албанците во унапредувањето на правата на ЛГБТ заедницата.
На забелешката на новинарот дека во интерпарламентарната група за унапредување на правата на ЛГБТ и луѓето нема пратеник Албанец, а речиси и да нема Албанци активисти, Андоновски вели:
„Можеби зрак на надеж е ова ребрендирање на ДУИ во зелена партија заради тоа што зелените партии насекаде во светот и во Европа се предводници на прогресивните политики, застапници на прогресот што треба да се случи во едно општество, особено за ЛГБТ и луѓето“, вели Андоновски.
