Апсења во Ерменија пред денешниот протест против договорот со Азербејџан

Ерменските опозициски групи планираат да ги продолжат своите протести за да побараат оставка од премиерот Никол Пашинијан поради условите за кои се согласи тој во договорот со Азербејџан, а со посредство на Русија, со што завршија борбите за отцепениот регион Нагорно-Карабах.

Неколку часа пред денешниот планиран митинг, Специјалната истражна служба соопшти дека се уапсени 10 истакнати фигури на опозицијата, што опозицијата го осуди како незаконско.