Арбен Таравари ќе ги смирува раскараните Еди Рама и Албин Курти
Арбен Таравари ќе ги смирува раскараните Еди Рама и Албин Курти
Претседателот на Алијанса за Албанците, Арбен Таравари се нуди како посредник за да ги смири односите меѓу премиерите на Косово, Албин Курти и на Албанија, Еди Рама. Имено, меѓу двајцата има големи несогласувања за односите меѓу Косово и Србија, но и меѓу Косово и меѓународната заедница. Таравари вели дека двајцата лидери и двете држави имаат многу големо влијание врз Западен Балкан и затоа треба да седнат заедно и да изготват заедничка стратегија за доброто на Албанците на Балканот. (Изјава)
„Заинтересирани сме и би ни било чест доколку ја постигнеме целта двајцата премиери Албанци да седнат заедно, да се координираат и да разговараат. Ако имаат нешто лично меѓу себе, треба да ја надминат оваа ситуација. Ние ги доживуваме како две институции, две многу важни држави и двајца премиери со многу големо влијание на Западен Балкан. Подготвени сме да им олесниме да седнат заедно и да направат краткорочна, среднорочна и долгорочна стратегија за Албанците од Западен Балкан“, Арбен Таравари, Претседателна Алијанса за Албанците. /Alsat.mk
