Артан Груби и судијата Енвер Беџети завршија на американската црна листа

Оние кои го поткопуваат владеењето на правото за лична корист, на сметка на народот во Македонија, мора да разберат дека корупцијата има последици. Ова беше пораката на американската амбасадорка во земјава, Ангела Агелер, откако објави дека поранешниот вицепремиер Артан Груби и судијата Енвер Беџети се ставени на црната листа на Стејт департментот. Агелер рече дека не е нивна должност да доставуваат информации или докази до правосудните институции. Ако можеме да ги најдеме, можат и тие – вели Агелер. Црната листа не завршува тука, предупреди амбасадорката.

Advertisements

Стејт департментот на САД презеде силни чекори во борбата против корупцијата, ставајќи ги на црната листа, врз основа на член 7031 Ц, поранешниот вицепремиер на Владата, Артан Груби, како и судијата на Апелација Енвер Беџети, поради сомневање за вмешаност во корупција и влијание во судството. Како резултат на тоа, на нив и на нивните семејства им е забранет влезот во САД. Во Вашингтон се разгледуваат и други санкции.

Груби и Беџети, според основани сомнежи, примиле мито за да ја поткопаат судската постапка во врска со пресудите на Сашо Мијалков, поранешен директор на УБК. Сомнежите за соработка меѓу Груби и Мијалков уште повеќе пораснаа кога на социјалните мрежи беа објавени фотографии од нивна средба во хотел во Скопје. На Агелер не и е јасно зошто овие сомнежи на САД не ги покренуваат правосудните органи во Северна Македонија. Таа повтори дека кај нас има епидемија на корупција која ја нарекува рак на општеството.

“Правдата е слепа. Едноставно ги разгледуваме поединците и доказите што ги имаме. Прашањето за тоа како овие случаи минуваат низ процесот овде е едно што се прашувам исто така. Ако доказите се јавни, а се, тогаш имате единици за финансиски истраги, имате финансиска полиција, имате обвинители, имате судии. Мислам дека имаме процес овде и мислам дека луѓето од оваа држава сакаат тоа да се случи”, рече Ангела Агелер – Амбасадорка на САД.
Агелер рече дека ставањето на Груби и Беџети на црната листа нема никаква врска со најавите на Владата за реформите во судството, бидејќи Вашингтон одлучува за времето и имињата на црната листа. Сепак таа изрази надеж дека овој случај и другите претходни случаи на Црната листа ќе бидат процесуирани од нашиот правосуден систем./Алсат.мк

Зекирија Хаџиу