Авион на „Ер Франс“ принудно слета во Софија, откако патник се обидел да влезе во пилотската кабина

Авион на „Ер Франс“ кој летал од Париз до Њу Делхи принудно слета во Бугарија, откако патник се обидел да влезе во пилотската кабина. На аеродромот во Софија е уапсен Индиец, кој се обидел да влезе во пилотската кабина, но бил неутрализиран уште во авионот. Мотивите за неговото однесување се уште не се познати, јави дописникот на МИА од Софија.

Advertisements

Обвинителката на Софија, Илијана Кирилова изјави дека патникот уште на почеток од летот се однесувал агресивно, се расправал со другите патници во авионот и нападнал член на екипажот, поради што авионот принудно слета во Софија.