Австралија Опен, дополнително ги зголеми наградите за тенис(к)ерите
Организаторот на Австралија Опен, првиот тениски гренслем-турнир во годината решија дополнително да ги зголеми наградите, со што само ќе продолжи прогресивниот раст на наградниот фонд, кој е зголемен за дури четири пати во последните дваесетина години.
Ако во 2005 година тој изнесуваше само 19,1 милиони долари, во следното издание ќе изнесува 86,5 милиони долари.
Тенисер(к)ите на Австралија опен (14-28 јануари) ќе заработат 13-отсто повеќе од претходната година, а наградите се зголемиот за настап во секое коло. Победниците во Мелбурн во двете сингл-конкуренции ќе добијат чек на 3,15 милиони долари, а учеството во првото коло ќе добијат 120.000 долари, додека победниците во воведната рунда ќе инкасираат 180.000 долари. Четвртфиналистите ќе добијат по 600.000 долари, а местото во полуфиналето носи чек од 990.000 долари.
