Бектеши: Последниве две години два пати замрзнување на цените на основните производи
Министерот за економија Крешник Бектеши во интервју за емисијата Економски магазин на Алсат покажа дека сите граѓани кои ќе видат неправилности во цените можат да се јават на бесплатниот телефон со кој располага Министерството за економија заедно со Пазарниот инспекторат.
Бектеши, исто така, кажа дека ова е втор пат во период од две години, каде како министер ги замрзнале цените поради кризната состојба.
„Ние како министерство за економија по втор пат ги замрзнуваме цените во период од две години, имајќи предвид дека во периодот на пандемијата претходната година донесовме слична одлука, само што одлучивме заедно со Пазарниот инспекторат и бесплатната телефонска линија 191 на која можат да се јават сите граѓани и да се пожалат за поскапување или дури и во случаи кога одредени трговци не ги враќаат цените од 1 декември“, рече министерот Бектеши.
