Бектеши: Увозот на гас до овој момент се одвива непречено

Увозот на нафтени деривати со потекло од Русија е приближно 8% во нашата држава, а со тоа и уделот со снабдување со нафтени деривати на пазарот, рече министерот за економија, Крешник Бектеши. Како што додаде тој, во моментов застој во снабдувањето со гас нема, а во случај Русија да ја запре испораката на гас кон Бугарија, како алтернативен приклучок би се користел интерконекторот од Грција бидејќи, како што кажа, Бугарија, согласно договорите, не смее да го прекине транзитот на гас.

„Ако Руската федерација не донесе одлука за прекин на испорака на гас со Северна Македонија, испораката треба да се одвива редовно и во континуитет“, рече Бектеши.