Полициски екипи денеска извршиле претреси на повеќе локации во Брисел во врска со сомневања за „руско мешање“ во Европскиот парламент, пишува порталот Политико.еу (Politico.eu) повикувајќи се на соопштение на федералниот обвинител.
Претресите, како што се наведува, биле извршени во приватна резиденција во Брисел и во канцелариите на Европскиот парламент во Стразбур и Брисел.
Акцијата, според веб-порталот, е поврзана со таканаречениот случај „Рашагејт“, каде што постојат сомнежи дека на европратеници им било пристапувано и биле плаќани да промовираат руска пропаганда преку веб-страницата на Гласот на Европа.
🚨 BREAKING: Police carried out raids today in connection to “Russian interference” in the European Parliament, according to a statement by the federal prosecutor.
Full story: https://t.co/2QPBTKIBE9 pic.twitter.com/1KOV2q5Pn9
— POLITICOEurope (@POLITICOEurope) May 29, 2024
„Постојат индиции дека засегнатиот вработен во Европскиот парламент одиграл значајна улога во ова“, рекле белгиските органи за спроведување на законот, пренесува „Политико“.
