Берете ум – за пукање „пиратки“, казни од 200 до 500 евра
Vjollca Aliti
Во пресрет на новогодишните празници сè почеста е продажбата и употребата на пиротехнички средства, а децата најмногу ги користат овие опасни средства. Од Брзата помош во Скопје велат дека во овој период од годината секогаш има најмногу повици за интервенции поради употреба на пиротехнички средства.
На Клиниката за пластична хирургија во Скопје се лекуваат најтешките случаи настанати како резултат на употреба на пиротехнички средства.
Законот предвидува казни од 200 до 500 евра за секој што користи пиротехнички средства или слични материјали кои се лесно запаливи или брзо експлодираат. За оние кои нелегално произведуваат, продаваат или поседуваат експлозивни материјали, законот предвидува затворска казна од 3 до 10 години. Министерството за внатрешни работи започна превентивна кампања против употребата на овие опасни средства, притоа охрабрувајќи ги граѓаните да ги пријават на 192 сите кои нелегално продаваат пиротехнички средства.
