Бесплатно тестирање на хепатитис и ХИВ

Граѓаните од денеска ќе имаат можност бесплатно и анонимно да се тестираат доколку евентуално заболат од воспаление на црниот дроб, односно хепатитис Б, Ц и ХИВ. Првата мобилна единица е поставена на плоштадот во главниот град, додека наредните денови вакви пунктови ќе има и во други 10 најголеми градови. Министерот за здравство Арбен Таравари рече дека се очекува овој скрининг да опфати две третини од населението во земјава.

Advertisements

„Колку што знам ќе ги има во Куманово, Тетово, Гостивар, Струга, Охрид, Кавадарци, Штип, Струмица, Битола. Да се надеваме дека две третини од населението во Македонија, кое живее во овие големи градови, ќе имаат можност анонимно и бесплатно да се тестираат доколку евентуално заболат од хепатитис, Б, Ц и ХИВ. Имаме и ехо апарат, со кој може брзо да се направи скрининг на црниот дроб на заинтересираните граѓани, за покрај овие болести да се откријат и други заболувања на црниот дроб“, изјави Арбен Таравари, министер за здравство.

Точниот број на заболени од оваа болест се уште не е откриен, но според некои податоци во регионот, 2 до 3,5 отсто од населението во Северна Македонија страда од хроничен хепатитис Б и Ц.

Хепатитис е воспаление на црниот дроб. Восветот секој ден умираат околу 3400 луѓе како последица на хронична инфекција со хепатитис.

Ајнур Бафќари