Бездомник од Калифорнија доби милион долари на лотарија
Според Гардијан, еден безимен скитник од Калифорнија добил милион долари на лотарија откако набавил тикет во локална продавница за пијалаци која редовно ја посетува.
“Тој влезе во дуќанот, ја изгреба картичката и рече: „О Боже, дали е ова реално?“”, изјавил менаџерот на продавницата, прераскажувајќи ја вечерта кога била добиена премијата. “Човеку, јас повеќе не сум бездомник!”
Победникот на почеток поверувал дека добил 100,000 долари, пред неговиот управител да укаже дека всушност се работи за милион.
Менаџерот, исто така, го однел добитникот, кој не поседува возило, до Фресно за да може лично да го предаде купонот наместо да го праќа по пошта.
Човекот планира да купи дом и кола со добиените пари, изјавувајќи дека овој триумф му го “променил животот”. Веројатноста за добивање награда од милион долари е еден спрема 2,047.423, според Калифорниската лотарија.
