Бежовска: Нашиот економски раст зависи од закрепнувањето на глобалната економија
Проекцијата за раст на домашната економија во висина од 3,9% се базира врз претпоставките за закрепнување на глобалната економија, вели во вечерашното гостување во емисијата Економски Магазин на Алсат, гувернерката на Народната Банка на Македонија, Анита Ангеловска Бежовска.
„Во однос на опоравувањето на глобалната економија, Меѓународниот монетарен фонд (ММФ), предвидува дека таа оваа година ќе расте со стапка од близу 6%, што е солидна стапка. Ние сме трговски отворена економија и во голема мера домашните случувања зависат од глобалниот контекст…Но, доколку глобалната економија, а посебно нашите најзначајни трговски партнери, се опоравуваат со позабавена динамика од таа што сега ја очекуваат, тоа ќе претставува и ризик за патеката на закрепнување на нашата економија“, рече Бежовска.
