Биљали-Зендели: Ковид-19 не е етнички вирус, ги погодува сите
Пратеникот на ДУИ, Арта Биљали-Зендели, се спротивстави на ставот на пратеникот од Алијанса, Халил Снопче и ги оправда постапките на претседателот на парламентот, Талат Џафери. Според неа, опозицијата ги блокирала законите од петтиот економски пакет. За одложувањето на пописот таа смета дека тоа било соодветно со оглед на ситуацијата создадена со Ковид-19.
„Мислам дека очекувањето на граѓаните, 60 илјади граѓани во оваа ситуација да добијат финансиска помош од петтиот пакет, чии главни закони беа дефинирани во седницата број 36, го оправдува постапувањето на спикерот затоа што на 36-та седница имаше 9 продолженија, 9 екстензии значи дека 9 пати таа сесија била отворена и прекината. А, зошто била прекината, затоа што здружената опозиција не остана таму туку условуваше, велејќи – прекини ја 32-та седница за да продолжи директно со 36-та седница. Во врска со фактот дека мојот колега Халил вели дека одложувањето на пописот не било правилно за Албанците, мислам дека одложувањето беше исправно за сите граѓани затоа што целиот свет ги одложува пописите. Ковид-19 не е етнички или национален вирус, тоа влијае на сите луѓе и самиот факт што го имавме во април дури и полициски часови и затворање на сите установи го оправдуваат одложувањето на физичкиот попис, а не електронскиот, така што од дијаспората сè уште продолжува до денес“, рече Арта Биљали-Зендели.
