Бирото ја презема црната кутија на Ер Индија: Следува декодирање
Црната кутија од авионот на „Ер Индија“ што се урна минатиот месец, при што загинаа 271 лице, сè уште е во Индија, објави денес ANI, повикувајќи се на министерот за цивилно воздухопловство Рама Мохан Наиду.
Тој рече дека црната кутија е кај Одделот за истрага на воздушни несреќи (AAIB) на Индија, кој е задолжен за анализа на податоците, објави Ројтерс.
Наиду коментираше за претходните медиумски извештаи дека снимачот на податоци е планиран да биде испратен во Соединетите Држави за понатамошна анализа.
„Црната кутија на урнатиот лет AI 171 е сè уште во Индија и ја испитува AAIB“, рече Наиду, според извештајот на новинската агенција ANI на платформата X.
Индиската влада претходно изјави дека одлуката за тоа каде ќе се декодира ќе биде донесена откако AAIB ќе ги заврши сите потребни технички и безбедносни проценки.
